أعلنت الممثلة المغربية، سناء عكرود المستقرة في الديار الكندية، عن إقتحامها لعالم اليوتيوب، من اجل التواصل مع متتبعيها عبر السوشال ميديا، والإجابة عن أسئلتهم الكثيرة، على حد تعبيرها.
وقالت سناء عكرود في تدوينة لها نشرتها على حسابها بتطبيق إنستغرام: “ناس بزاف كايطرحوا عليا أسئلة سواء على المستوى العملي او الشخصي، أسئلة كثيرة لي ما نقدرش نجاوب عليها فتعليق بسيط او على الخاص، لذلك فالتعاليق أسفل هاد الصورة تقدروا تطرحوا الاسئلة لي تبغيوني نجاوب عليها أو بعثها لي على الخاص، و انا غنجاوبكم ففيديو لي غينزل على قناتي الخاصة، الرابط ديالها فالبايو أعلاه”.
وتابعت كلامها قائلة: “ولأني موقفة اي لقاأت صحفية او برامج حوارية، فإن صلة الوصل لي غتكون بيناتنا هي قناتي، و هذا الفيديو غيكون بداية لفيديوهات أخرى قادمة ان شاء الله تلبية لطلب بزاف ديال الناس. شكرا على سؤالكم المتواصل عليا و على اهتمامكم بما أقدمه”.
وشاركت الفنانة المعروفة ب”عويشة الدويبة” ليلة الامس اولى الفيديوهات على قناتها بيوتيوب، وكتبت “الفيديو الأول ديالي غيكون جاهز للبث فالقناة ديالي بعد ساعتين، انا عندي هنا فكندا الساعة تشير للثالثة و النصف بعد الزوال، انتوما فالمغرب عندكم الثمنية ، واش ننزل الفيديو اليوم و لا نخليه حتى لغدا؟”
https://www.youtube.com/watch?v=yArXkfgNaaE
وختمت الفنانة ” بزاف ديال الناس راسلوني فالخاص و قالوا ليا نسيتينا.. لا ما نسيتش، غير التزاماتي ما سمحاتش ليا اني نسجل بسرعة و جودة عالية، كنتسنى الجواب ديالكم.. اليوم و لا غدا؟ اللهم يسر”.