يهود وجدة..شكون هم ومنين جاو وفين عاشو ؟!

 

السؤال اللي ممكن اطرحوه بزاف منكم علاش هاد البرنامج وعلاش هاد الاسم؟

 

ساهلة..هاد البرنامج هو فكرة قديمة من زمان وحنا كنخطو ليه باش يخرج للوجود، حيت شفنا بأن وجدة عندها واحد الذاكرة غنية حرام تبقى غي في لكتوب والدراسات، ومتستغلش في أنماط وأشكال جديدة ديال التعريف كتواكب التطور التكنولوجي اللي عايشينو واللي من ضمنها المحتوى على السمارت فون..

 

غادي نتعرفو في حلقات على أهم المحطات اللي مرت بها وجدة وأهم الأحداث والشخصيات اللي لعبت دور كبير في تاريخ هاد المدينة، سوا في التاريخ لقديم سوا في التاريخ الحديث وحتى المعاصر..

 

حلقنا الأولى درناها على لهود اللي عاشوا ومزال باقي شي وحدين فيهم واخا محسوبني على رؤوس الأصابيع عايشين معانا..

 

بغيت نقول قبل ما نبدي نستعرض بعض المعطيات التاريخية على لهود في وجدة، نقول بأن اللي خلانا نبديو بهاد الموضوع هي الهضرة والهيلالة والقربالة اللي نايضة على لهود واللي خلات بزاف ديال الناس كتخلط بين لهود اللي عاشوا وعايشين معانا، وواللي هاجرو من المغرب وعاشوا في بلادات اخرى وحتى في اسرائيل…

 

اللي هامنا حنا هم لهود ديال المغرب كيفاش عاشو وفين عاشو وكلشي داكشي اللي مرتابط بحياتهم في المغرب وغادي نديرو حلقة منبعد على لهيود كيفاش هاجرو وفين مشاو..

 

غادي نتناولو في الحلقة الأولى منين جاو ليهم وأهم العائلات ديالهم وفين استقروا في مدينة وجدة …خليكم معانا وتابعوا الفيديو وباقي الحلاقات اللي غادي نديروها…

شارك المقال
  • تم النسخ
تعليقات ( 0 )

اترك تعليقاً

1000 / 1000 (عدد الأحرف المتبقية)